دیوان الاماره
اجتماعی فرهنگیدیوان الاماره
اجتماعی فرهنگیقصیدة شلون گلبک؛ ترکی الامیری
قصیدة شلون گلبک
للشاعر ترکی الامیری
شلون گلبک طاوعک عفت الحبیب
و تدری سچین الهجر ذباحه
ضاع تعبی ویاک و نکرت الحنین
و عاب چفی الما تغزر ملاحه
لا علی بختک انا اویاک اشجنیت
و لیش هجرک صوبتنی ارماحا
یمته عود احضا ابوصالک یل حبیب
و نتشگ عطر الزلف و اریاحه
طفت عقدین و مشیت اعلی اثلاث
و شعر الابیض هل خذانه اطحاحا
ای یربی المَحَل یمته ایچهبه غیم
و یمته المهلس یطول اجناحه
عفیه گلبی شکثر یتحمل عذاب
کلهه تدّی و ماتهید اجراحه
هلک وهلی ،الناس و الدنیا و هواک
فَد سفینه و کثرت الملاحا
بس احبک رغم کل های الظروف
انگفل گلبی و بسمتک مفتاحه
انهجم بیت اهلک و لک یبن الاحواز
اشکثر حاوی منلحسن و ملاحا
شطب طولک مثل عود الخیزران
و من خدودک تستحی التفاحه
خوا عیونک فشگ مو زرمن تصیب
یا غزال النظر عینه سلاحه
محله شعرک من یکت فوگ الچتاف
و هو العالی ینعثله بمرواحه
ابودی احطک تلعب ابوسط الدلیل
و تصنع ابتوت الگلب مرجاحا
لیش احبک لئن حچیک مورطین
مثلی تحچی و کله اعرف ارواحه
من عسا بخت کلمن غیراک
و خله دمعات الجفون اسفاحه
گبل ترجف خجل من گبل علیک
وما تحط عینک ابعینی ابراحه
هسه یا متیت حیاتی اشعارضاک
و عینک الوسعه اشترسهه اوکاحا
دکع رشاشة اعیونک یل حبیب
مزگت لب الچبد وصفاحا
سلبت عگلی و تملکت الدلیل
و گمت تاخذنی و تردنی ابراحا
گلبی متعلگ یل اشگربین ادیک
لاتعتنی وینگطع سباحا
المصدر: مجموعة الشعر و الناس
